迪卡儂大發現 之 【露營篇】

上次介紹咗旺角迪卡儂睇到有咩單車好嘢，終於有時間寫埋其他 Outdoor 嘢，其實有興趣買嘅真係唔少，如果你全屋一件露營裝備都冇，嚟呢度可以掃一轉就攪掂哂。雖然唔少報導都有講過呢度啲嘢點平，不過親眼睇原來都有唔少未有人講過。

都係果句，一進入鋪內便發覺不少貨品與係國內迪卡龍所出銷售的有所不同，似乎是迎合香港市場的獨特性例如多了一些水上活動玩物，較為高階一點但又不失價格優勢。

今次大家介紹一下比較特別嘅露營用品。

平價單人 Cook Set ($74)
Solo 一人用 Cook Set，去露營要用基本的煮食具都齊全，肯定係入門必買之選。

高性能單人 Cook Set ($159)
相比相同設計嘅其他品牌都係好平，一個 Cookset 可以直接收入細 size 高山氣，抽走埋細煲的話自行放入爐頭都得，煲底仲有集熱環設計，提升燃料效能。

輕便睡袋 ($49 / $99 / $249)
三款輕便睡袋都不最重度禦寒裝備，但係就適合香港嘅溫度，分別係以人造纖維 (Polyester) / 棉 (Cotton) / 絲 (Silk)，提供不同程度嘅保溫同埋輕量，喺冬天日子，亦可以作為內襯 (內膽) 加入其他睡袋內加強保溫。

Clamping 用行軍床 ($189)
如果玩重裝露營或者車 Camp，優質生活入面當然要瞓得舒適，行軍床可能係喺露營活動入面最佳嘅睡眠體驗！

Over 5 KG 嘅種量，唔係車 Camp 用就要諗下辦法點拎到去營區地

即開帳篷 ($629)
愈來愈多人鐘意用 Pop Up Tent，貪佢一攞出嚟就自動打開，慳返唔少 set 場時間可以即刻嘆杯咖啡廳 Hea 下。

充氣營帳
又係一個非傳統營帳 - 以前喺 Youtub先見得到嘅充氣營帳歐洲，同時有售電泵同手泵，唔知有冇夠肺容量嘅朋友試用口吹呢？除咗易起，最大優點係抗風能力，起碼唔會吹斷營骨，因為冇營骨。

導演櫈
對於 Hea Camp 嚟講櫈嘅重要性愈來愈高，呢張導演櫈還原咗家用椅嘅舒適度，相對而言重量都唔輕，又係車 Camp 適用。

吊床
為露營活動添上輕鬆氣氛，吊床係一個唔錯嘅選擇。

摺檯連柜
再嚟車 Camp用具，吸引之處係有埋蚊紗儲物柜，放置食具食物一流！

下次又介紹埋其他戶外用品，都有唔少得意嘢。

延伸閱讀
>>  超大戶外用品店殺入旺角 ‧ 至抵裝備逐件睇！
>>  迪卡儂大發現 之 單車篇

文｜冠業

👍香港 Gear4Wild 專頁