環保、方便！3種便攜燒烤叉

為你介紹戶外活動營裝備情報！立即讚好 
👍香港 Gear4Wild 專頁

👍台灣  Gear4Wild 專頁

秋天去露營，最開心當然係同班frd子圍埋燒野食吹下水，又暖又好氣氛，不過次次都要買一堆燒烤叉入營地，咁長嘅嘢拎住又唔係，放入背囊又驚拮穿袋，最大問題係次次用完就掉唔環保到極，其實自備便攜燒烤叉就完全解決呢啲問題。

作為 BBQ 控嘅筆者今次將歷黎入手嘅3種便攜叉嚟個比較，等大家可以考慮得清楚啲。

1. 簡單伸縮型

 呢支係小弟多年前行沙田唔覺意見到就入手，算係便攜叉嘅入門之選，基本上用就伸長唔用就縮短，叉頭鈍鈍地唔太好拮，縮短後始終有一定長度，勝在係一體化設計唔會帶漏parts。

2. 超級輕便型

買完簡單伸縮型之後放上網比朋友欣賞，就有人介紹呢個先係終極 solution﹐一見個設計真心欣賞，即刻又入手嚟玩下，結果要揾支fit size 嘅樹技其實冇諗得咁易，而因為叉身短少，拮到嘅野食有限，但又咁講，佢最大嘅好處係，如果突然想燒，平時帶定都絕對係零負擔。

3. 分體伸縮型

小弟最Like 就係呢支，係 1 嘅完全進化版嚟，嘅可以不假外求伸長縮短，又可以拆做兩份唔會太長更易於pack 袋，叉鋒又夠利要小心嘅係拮穿隻手。

時至今日嘅 1 同 3 已經成為咗平時BBQ嘅必備品，就算唔係露營都照用，朋友見到問起時又可以乘機推廣下呢個環保概念。而 2 就成為咗長期存放喺cookset 入面嘅小工具，試過食腸時攞嚟燒幾燒，又惹味不少！

文｜涉水步行

為你介紹戶外活動營裝備情報！立即讚好 
👍香港 Gear4Wild 專頁

👍台灣  Gear4Wild 專頁