超輕便打滿防爆呔，用嚟飲水一樣得？

近年開始多人用防爆呔，貪佢又方便又實用，更加重要嘅係可靠，入山就算比石仔拮穿都唔會攪到嗱手唔成世嗰吓真係好放心，全靠防爆液能夠即時為缺口填塞收補。之但係再防爆嘅呔都有漏氣嘅一日，以前要打漲 Tubeless 嘅代價都唔細，個 Air Control Tank 閒閒地都幾公斤重，又大大舊帶出街真係冇乜可能。

今次為大家介紹嘅 Milkit 唔只輕便，設計獨特放得入背包外出都用得，官方更指個儲氣瓶其實係水/氣瓶兩用，即刻睇下係咩玩法。

最後比筆者發現咗飲水打氣兩用就係一係打氣一係飲水，換條喉同蓋就可以當普通水瓶用，不過樽身係用 SIGG、MSR 同級嘅鋁金屬製造，夠哂硬淨承受到用高壓氣，用嚟裝水當然一啲問題都冇啦，問題係你接唔接受到嗰頭用嚟打氣呢頭用嚟飲水？其實諗諗下又好似冇咩問題。

由活塞控制，一放入氣嘴即刻充氣！

備有不同組合，用戶可按自己所需選擇。

價格：基本套裝 USD $43

項目尚在募資階段，有興趣請到 Kickstarter 了解更多。

文｜涉水步行

👍香港 Gear4Wild 專頁

👍台灣  Gear4Wild 專頁